«Мы іх знайшлі, гэта цывільныя людзі». Пуцін распавёў пра атручвальнікаў Скрыпалёў

12.09.2018 / 10:07

Прэзідэнт Расіі Уладзімір Пуцін заявіў, што расіяне Аляксандр Пятроў і Руслан Башыраў, якіх Вялікабрытанія абвінаваціла ў атручванні Скрыпалёў, звычайныя цывільныя асобы. Пуцін прапанаваў ім паразмаўляць са СМІ і расказаць пра сябе.

«Мы, вядома, паглядзелі, што гэта за людзі, і ведаем, хто яны такія. Мы іх знайшлі. Нічога там асаблівага і крымінальнага няма, запэўніваю вас», — сказаў Пуцін на Усходнім эканамічным форуме.