У страшнай аварыі ў Мінску загінулі два чалавекі

14.09.2018 / 09:13

Фота МНС

Аварыя адбылася каля 7-й раніцы на вуліцы Сядых. З невядомых прычынаў аўтамабіль Mazda6 урэзаўся ў дрэва.

«На месцы аварыі былі знойдзеныя два целы без прыкмет жыцця», - паведаміла TUT.BY афіцыйны прадстаўнік МНС Вольга Мельчанка.

Ратавальнікі даставалі з машыны целы загінулых.

На месцы аварыі працуе следча-аператыўная група, прычыны і абставіны ДТЗ высвятляюцца.