U Śvietłahorsku mužčyna sprabavaŭ paznajomicca z žančynami, a potym vyrvaŭ u adnoj ź ich sumačku i kinuŭsia biehčy
17.09.2018 / 20:33
U Śvietłahorsku dźvie siabroŭki vyrašyli adznačyć dzień naradžeńnia adnoj ź ich. Sustrelisia viečaram za stolikam u letnim kafe na nabiarežnaj. Za susiednim stałom sa šklankaj śpirtnoha baviŭ čas mužčyna. Nieŭzabavie jon vyrašyŭ padsieści da žančyn. Siabroŭki kanfliktavać nie stali, prosta ihnaravali niaprošanaha hościa, ale kali vyrašyli sychodzić, mužčyna raptam vyrvaŭ u adnoj ź ich sumku z pakietam i kinuŭsia biehčy.
Kryki pryciahnuli ŭvahu supracoŭnikaŭ RAUS, jakija znachodzilisia pobač. Za niekalki siekund da zatrymańnia pravaparušalnik paśpieŭ padbiehčy da raki i kinuć u jaje sumku i pakiet. Darečy, sumka adrazu pajšła na dno, i da hetaha času nie znojdziena.
Padazravany akazaŭsia žycharom Śvietłahorska 1970 hoda naradžeńnia. Mužčynu źmiaścili ŭ izalatar časovaha ŭtrymańnia. Raspačata kryminalnaja sprava pa č. 1 art. 206 KK Biełarusi «Rabavańnie».