Łukašenka: «Kali Litva nie vielmi choča z nami supracoŭničać, treba rabić upor na Łatviju»

18.09.2018 / 14:01

Shutterstock.com

Kiraŭnik Biełarusi pryznačyŭ Vasila Markoviča pasłom u Łatvii, paviedamiła pres-słužba kiraŭnika dziaržavy. Markovič źmienić na hetaj pasadzie Marynu Daŭhapołavu.

Alaksandr Łukašenka adznačyŭ vialiki patencyjał u raźvićci supracoŭnictva z Łatvijaj. «Vy razumiejecie, što vychadu da mora ŭ nas niama i kali Litva nie vielmi choča z nami supracoŭničać, tak treba rabić upor na Łatviju. Treba zrabić tak, kab hetaja respublika zadavalnieńnie atrymlivała ad supracoŭnictva ź Biełaruśsiu. My ludzi prystojnyja, abaviazkovyja, jany heta viedajuć. I kali jany pojduć nam nasustrač pa mnohich pytańniach, jakija my im prapanujem, jany buduć mieć peŭny (i niemały) efiekt», - zajaviŭ Łukašenka.

«Jany adčuli, što nie ŭsio vyrašajecca ŭ Brusieli. Tak, dobra, napeŭna, im u Jeŭrasajuzie. Ale nie ŭsio možna vyrašyć. ES padtrymaje niejki čas, a potym treba zarablać samim. I razam my možam zarabić. I, samaje hałoŭnaje dla nas, praz Łatviju my možam zabiaśpiečyć bieśpieraškodny narmalny vychad da mora z vyhadaj dla siabie. I ŭ hetym kirunku my pavinny pracavać», - padkreśliŭ Alaksandr Łukašenka.