Łukašenka: My nie robim vybar pamiž Uschodam i Zachadam
25.09.2018 / 10:50
president.gov.by
Biełaruś nacelena na dyjałoh z usimi partniorami bieź cisku i dvajnych standartaŭ. Pra heta Alaksandr Łukašenka zajaviŭ siońnia, prymajučy davierčyja hramaty pasłoŭ zamiežnych dziaržaŭ, piša BiełTA.
«My nie robim vybar pamiž Uschodam i Zachadam, imkniemsia vybudoŭvać z usimi partniorami biez vyklučeńniaŭ raŭnapraŭnyja palityčnyja i ŭzajemavyhadnyja ekanamičnyja adnosiny. Naceleny na dyjałoh bieź cisku i prymusu, padvojnych standartaŭ i ŭmiašańnia va ŭnutranyja spravy suvierennych dziaržaŭ», — zajaviŭ biełaruski kiraŭnik.
Alaksandr Łukašenka vitaŭ pasłoŭ na haścinnaj biełaruskaj ziamli, pavinšavaŭ ich z pačatkam novaha etapu ŭ dypłamatyčnaj karjery i pieršym aficyjnym rabočym dniom u statusie kiraŭnikoŭ misij u Respublicy Biełaruś. «Biełaruś — jeŭrapiejskaja dziaržava, jakaja šanuje svoj suvierenitet i paśladoŭna realizuje miralubnuju šmatviektarnuju źniešniuju palityku.
Našy padychody dobra viadomyja. Biełarusy addanyja svabodzie i niezaležnaści, adzinstvu i zhodzie, stvareńnia i prahresu», - skazaŭ jon.
Kiraŭnik dziaržavy padkreśliŭ, što jak pierakanany praciŭnik kanfrantacyi i donar biaśpieki ŭ rehijonie Biełaruś vystupaje za vyrašeńnie kanfliktaŭ vyklučna mirnym šlacham i nastojliva pracuje nad pašyreńniem koła adnadumcaŭ.
Davierčyja hramaty kiraŭniku dziaržavy ŭručyli pasły Arhienciny, Bośnii i Hiercahaviny, Vienhryi, Indyi, Iardanii, Iraka, Mieksiki, Panamy, Partuhalii, Rasii, Saudaŭskaj Aravii, Sudana.