Katalickaja carkva Hiermanii paprasiła prabačeńnia za seksualny hvałt u dačynieńni da tysiač dziaciej

25.09.2018 / 16:25

Kiraŭnik katalickaj carkvy ŭ Hiermanii kardynał Rejnchard Marks prynios prabačeńni za toje, što tysiačy dziaciej stali achviarami seksualnaha hvałtu z boku pradstaŭnikoŭ duchavienstva, pieradaje Reuters.

Rejnchard Marks, fota: Wikimedia Commons.

«Zanadta doŭha my ŭ Kaściole advaročvalisia, admaŭlali, chavali i nie chacieli, kab heta było praŭdaj», — zajaviŭ Marks, jaki źjaŭlajecca staršynioj Kanfierencyi niamieckich katalickich biskupaŭ.

Raniej niamiecki časopis Der Spiegel apublikavaŭ vyniki daśledavańnia, zhodna ź jakimi ŭ Hiermanii ŭ pieryjad z 1946 pa 2014 hady 1670 pradstaŭnikoŭ katalickaha duchavienstva ździajśniali dziejańni seksualnaha charaktaru ŭ dačynieńni da 3677 niepaŭnaletnich.