«Padčas zaniatkaŭ u žančyn zdarajucca arhazmy». Chto i jak macuje ŭ Minsku intymnyja ciahlicy
Kali ŭpieršyniu prychodziš na zaniatki pa vumficie, instruktarka Volha Dziełajeva raskazvaje pra toje, što na Uschodzie jość prymaŭka: «Idealny stan dla žančyny: u hałavie pusta, u sercy ščaśliva, unizie seksualna». I ŭsie zaniatki pabudavanyja pa hetym pryncypie: napoŭnić žančynu seksualnaj enierhijaj.
03.10.2018 / 14:43
Daviedka:
Vumfit — heta kompleks praktykavańniaŭ, skiravanych na raźvićcio intymnych ciahlic i ŭmacavańnie ciahlic tazavaha dna.
Instruktarka pa vumficie Volha Dziełajeva ŭ svaim pracoŭnym kabiniecie.
Siońnia ŭ Minsku navučycca vumfitu i raźvić intymnyja ciahlicy možna tolki ŭ niekalkich siertyfikavanych instruktaraŭ, siarod jakich i Volha Dziełajeva, jakaja zajmajecca vumfitam užo vosiem hadoŭ.
A pačynałasia ŭsio z asabistaj historyi.
«U 20 hadoŭ ja naradziła syna. Ja choć i miedyk pa adukacyi, i viedała, jak usio pavinna prajści, ale maje rody akazalisia ciažkimi. Kab adnavicca paśla ich, ja rabiła praktykavańni Kiehiela, šukała patrebnuju infarmacyju ŭ roznych časopisach. Tak vypadkova trapiła na mietodyku rasijskaha vynachodnika Uładzimira Muraniŭskaha. Daviedałasia, što ŭ Rasii pracuje škoła pa vumbiłdynhu, jakuju zasnavaŭ Muraniŭski. Jeździła ŭ Maskvu na zaniatki. Chacieła navučycca tolki dla siabie, ale voś užo vosiem hadoŭ viadu ŭ Minsku kursy».
Pieršapačatkovaja zadača vumfitu — dapamahčy žančynie chutka adnavicca paśla rodaŭ. Ale, jak pakazvaje praktyka, kali im zajmacca da ciažarnaści, to rody prachodziać bolš lohka.
«Nu i pryjemny bonus — palapšajecca krovazvarot. A mocnyja intymnyja ciahlicy — heta mocnaje intymnaje žyćcio».
U mietodycy, jakuju raspracavaŭ Uładzimir Muraniŭski i pa jakoj vykładaje Volha Dziełajeva, jość čatyry asnoŭnyja napramki.
Vumfit — intymny fitnes dla ŭmacavańnia vahinalnaha kanała i ciahlic tazavaha dna. Vumbiłdynh nakiravany na pabudovu i raźvićcio vahinalnych ciahlic, jakimi žančyna moža kiravać śviadoma.
Tut treba patłumačyć, što słova «vum» pachodzić nie ad anhlijskaha «žančyna». Heta abrevijatura, jakaja rasšyfroŭvajecca jak ciahlicy, jakija kirujucca vahinalna.
Imbiłdynh — heta raźvićcio intymnych ciahlic mužčyny z dapamohaj ciahlic žančyny pry zaniatkach seksam. Žančyna svaimi treniravanymi ciahlicami treniruje ciahlicy mužčyny, što dazvalaje jamu daŭžej zachoŭvać maładość. I narešcie rymbiłdynh — raźvićcio rektalnych ciahlic mužčyny.
Na pytańnie, ci źviartajucca da Volhi mužčyny z prośbaj pravieści treninh, Volha śmiajecca:
«Mnie muž nie dazvalaje vieści mužčynskija hrupy».
«Kali klijentka prosić, ja vychodžu z pamiaškańnia»
Klijentkam Volhi ŭ asnoŭnym ad 25 da 45 hadoŭ. Adnak apošnim časam cikavaść da zaniatkaŭ vumfitam prajaŭlajuć i žančyny paśla 45.
«U asnoŭnym takich žančyn da mianie pryvodziać prablemy z tym, što z uzrostam ciahlicy słabiejuć, i ŭ ich pačynajecca nietrymańnie. Heta vialikaja prablema: kožnaja treciaja žančyna maje takija prablemy».
Volha tradycyjna pačynaje zaniatki z teoryi. Na makietach raskazvaje, jak pabudavanyja ciahlicy i ź jakimi ź ich padčas trenirovak daviadziecca pracavać.
Darečy, akramia prafiesijnych miedycynskich makietaŭ u arsienale Volhi i šmat takich, jakija jana zamaŭlaje ŭ intymnych kramach.
Pierad pačatkam kursu vučanicy abaviazkova naviedvajuć hiniekołaha, potym im padbirajecca adpaviednaja nahruzka. «U pryncypie, supraćpakazańniaŭ nie šmat. Asnoŭnaje ź ich — ciažarnaść i niekatoryja vidy mijom».
Na praciahu kursa viadziecca ankieta: fiksujucca zychodnyja dadzienyja, zapisvajucca chatnija vyniki, raśpisvajucca novyja praktykavańni.
Praktyčnaja častka zaniatkaŭ adbyvajecca doma ŭ vučanicy. Volha tolki karektuje i daje parady, jak rabić toje ci inšaje praktykavańnie. Kali jość patreba, pakazvaje jaho na zaniatkach.
«Na zaniatki da mianie prychodziać raz na tydzień abo radziej. Ja padkazvaju dziaŭčatam, jak pravilna rabić praktykavańnie, karektuju niejkija pamyłki. Zaniatki doŭžacca hadziny 2-3».
Važna, što trenažory vykarystoŭvajucca indyvidualna, kožnaja z vučanic moža zabrać ich i damoŭ.
Adzin z trenažoraŭ.
«Kali žančyna skavanaja, ja zavodžu ź joj razmovu, pry nieabchodnaści vychodžu, kab jana mahła bieź źbiantežanaści ŭvieści trenažor. Praktykavańni pryjemnyja, padčas zaniatkaŭ zdarajucca arhazmy. Ja liču, što heta vydatna».
Kurs vumfitu raźličany na miesiac-paŭtara.
«Hetaha času dastatkova, kab žančyna zrazumieła, jakim čynam treba treniravać ciahlicy, padciahvać ich, rassłablać. Paśla kursa vumfitu idzie ŭžo vumbiłdynh. Tam žančyny vučacca i trymać hruz intymnymi ciahlicami, i stralać šaryk, i ŭciahvać jaho ŭ siabie».
Trenažor, jaki ŭvodzicca ŭnutr i namampoŭvajecca. Paśla jaho treba «vypchnuć».
U cełym, raskazvaje Volha, biełaruski dastatkova ścipłyja i saramlivyja. Dziaŭčaty z Ukrainy i Rasii mohuć rabić sełfi z trenažorami, z makietami padčas zaniatkaŭ, biełaruski ž saramliva advodziać pozirk.
«Niekatoryja žančyny prychodziać da mianie tajemna ad mužoŭ, kažuć, što chočuć ździvić ich paśla. Prychodziać da mianie i miedyjnyja piersony. Takija žančyny pa zrazumiełych pryčynach abirajuć indyvidualnyja zaniatki».
Volha raskazvaje, što zaniatki pa vumficie i vumbiłdynhu karysnyja nie tolki žančynam, u jakich jość peŭnyja prablemy sa zdaroŭjem, ci tym, chto choča padrychtavacca da lohkich rodaŭ. Asabliva na ich varta źviarnuć uvahu tym žančynam, jakija peŭny pieryjad žyvuć biez pałavoha partniora.
Hruzavy trenažor.
«Mnohija žančyny i biez vumfitu žyvuć ščaśliva i harmanična». Kamientar hiniekołaha
Doktarka-hiniekołah miedycynskaha centra «Ars Valea» Natalla Novikava upeŭnienaja: kali zdarovaja žančyna vykonvaje praktykavańni dla ŭmacavańnia ciahlic tazavaha dna, to ad hetaha nijakaj škody nie budzie.
«Adzinaje, što treba razumieć: panacei nie isnuje. I kali jość peŭnyja prablemy sa zdaroŭjem, to adnoj himnastykaj tut nie dapamožaš», — tłumačyć jana.
Što tyčycca mienavita vumfitu i vumbiłdynhu doktarka kamientuje:
«Padobnyja praktykavańni, praktyki i mietodyki viadomyja daŭno. Imi karystalisia hiejšy. Siońnia možna znajści praktykavańni ad samych prostych, jakija možna vykonvać doma, da śpiecyjalna raspracavanych kursaŭ i pabudavanych mietodyk, jakija imknucca pradać ludziam. Kali ŭ vas jość čas zajmacca hetym i hrošy, to kali łaska».
Hałoŭnaje, adznačaje doktarka, kab hetyja mietodyki nie byli ahresiŭnymi i pravodzilisia tolki pad nahladam siertyfikavanych śpiecyjalistaŭ.
«Praktykavańni, jakija palapšajuć kryvatok, vianozny adtok, stymulujuć funkcyi arhanizma tych ciahlic, jakija pa svajoj sutnaści amal zaŭsiody zastajucca biaździejnymi, pojduć tolki na karyść. Inšaja sprava, ci varta padymać hruzy abo niejak pa-inšamu ahresiŭna ŭździejničać na ciahlicy. Mnohija žančyny i biez vumbiłdynhu žyvuć harmanična i ščaśliva».