На Галапагоскіх выспах выкралі больш за 100 гіганцкіх чарапах

06.10.2018 / 11:46

wikipedia.org

На Галапагоскіх выспах выкралі 123 гіганцкія чарапахі з тэрыторыі нацыянальнага парку. Пра гэта са спасылкай на паведамленне Міністэрства навакольнага асяроддзя Эквадора перадае РБК.

Інфармацыя пра знікненне чарапах паступіла ў пракуратуру 27 верасня. Гаворка ішла аб прадстаўніках віду слановая чарапаха, якія знаходзяцца пад пагрозай знікнення.

Расследаванне носіць закрыты характар.