Mužčyna jechaŭ u hości ŭ Baranavičy, zasnuŭ u elektryčcy — u jaho skrali cukierki i telefon
08.10.2018 / 22:39
25 vieraśnia žychar Biarozy na elektryčcy «Brest — Baranavičy» jechaŭ u hości da žančyny, vioz joj prezient — karobku cukierak. Jon byŭ niecviarozy i pa darozie zasnuŭ, padkłaŭšy cukierki pad hałavu. Pračnuŭsia na stancyi «Baranavičy-Paleskija».
Cukierak na siadzieńni nie było. Źnik u mužčyny i mabilny telefon. Tamu ź ciahnika jon adrazu pajšoŭ u milicyju. Ahulnaja strata skłała 364,5 rubla.
Vykradalnika znajšli dziakujučy zvanku sa skradzienaha telefona. Suprać jaho raspačali kryminalnuju spravu pa č. 1 art. 205 KK Biełarusi («Kradziež»). Jamu pahražaje da troch hadoŭ pazbaŭleńnia voli.
Telefon u złodzieja kanfiskavali, a voś cukierki jon paśpieŭ źjeści.