Pradstaŭnik SK pra «spravu BiełTA» — «heta banalnaje chakierstva»
09.10.2018 / 14:24
Na pasiadžeńni Kamiteta AAN pa pravach čałavieka 9 kastryčnika členy kamiteta źviarnulisia z pytańniami da biełaruskaj delehacyi, u tym liku i pa «spravie BIEŁTA».
Hałoŭny redaktar Tut.by Maryna Zołatava, fota Radyjo Svaboda
Pradstaŭnik Śledčaha kamiteta Biełarusi, hałoŭny redaktar časopisa «Papiaredniaje rasśledavańnie», Halina Suzdaleva zajaviła, što «sprava BiełTA» «sapraŭdy majecca».
«Śledčy kamitet pravodzić rasśledavańnie pa fakcie niesankcyjanavanaha dostupu da materyjałaŭ płatnaj padpiski Biełaruskaha telehrafnaha ahienctva. U ramkach rasśledavańnia byli ŭstanoŭleny šmatlikija fakty niepravamiernaha dostupu da padpiski BiełTA bieź viedama i zhody ahienctva — biez ažyćciaŭleńnia płaty za padpisku, biez zaklučeńnia damovaŭ», - paviedamiła pradstaŭnik Śledčaha kamiteta.
Jana patłumačyła, što materyjały, apublikavanyja na płatnaj padpiscy BiełTA «nie znachodzilisia ŭ adkrytym dostupie», i tam publikavalisia naviny, jakija źjaŭlalisia «raniej, čym na aficyjnym sajcie».
«Fizičnyja asoby pryciahnuty da kryminalnaj adkaznaści nie za palityčnyja pohlady. Za banalnaje chakierstva!», — padkreśliła Halina Suzdaleva.
Jana taksama adznačyła, što partał TUT.BY mieŭ dahavornyja adnosiny z Reuters i Bi-bi-si, ale słužbovyja asoby «u toj ža samy čas, nie ličyli patrebnym inicyjavać zaklučeńnie damovy ź BiełTA».