Павел Севярынец пачаў трохмесячныя лідарскія курсы
19.10.2018 / 22:54
У Мінску пачаліся трохмесячныя бясплатныя лідарскія курсы Паўла Севярынца, раней вядомыя як «Курсы дыджэяў Адраджэння». Першы занятак у культурніцкай прасторы «Тартак» сабраў поўную залю ўдзельнікаў усіх узростаў.
Нагадаем, пераможцамі папярэдніх курсаў, якія праводзяцца з 1999 года, былі Андрусь Кім і Наста Палажанка-Дашкевіч, Зміцер Хведарук і Барыс Гарэцкі, Дзяніс Садоўскі і Вольга Кавалькова, Алесь Мазанік і Алег Корбан, ды многія іншыя лідары новага пакалення.
Праграма курсаў уключае заняткі па беларусазнаўстве, індывідуальнай і масавай псіхалогіі, тэорыі і практыцы шоу, менеджменце, распазнаванні паклікання, адказным лідарстве, медыйных і сеткавых тэхналогіях, а таксама практычныя выпрабаванні.
Курсы праходзяць пры падтрымцы кампаніі «Будзьма беларусамі!».