Biełaruskamoŭnaja studentka HrDU nie rašyłasia zadać Łukašenku pytańnie pa-biełarusku
20.10.2018 / 19:28
Alaksandr Łukašenka naviedaŭ Hrodna 19 kastryčnika.
Aproč inšaha, u prahramie kiraŭnika krainy była sustreča sa studentami Hrodzienskaha dziaržaŭnaha ŭniviersiteta, u čas jakoj jon panarakaŭ na adjezd moładzi na vučobu za miažu, a taksama prapanavaŭ zabirać studentaŭ u vojska ŭ čas kanikuł.
Admietna, što na sustrečy z Łukašenkam prysutničała biełaruskamoŭnaja studentka Alaksandra Radkovič, jana vučycca na trecim kursie na fiłołaha, letaś Alaksandra stała «Studentam hoda» pavodle viersii BRSM.
Čytajcie: Pieramožca konkursu «Student hoda»: Adukacyja maje być biełaruskamoŭnaj
Praŭda, pytańnie kiraŭniku krainy jana zadała pa-rusku. Hetak ža dała i intervju dziaržaŭnamu telebačańniu.
Łukašenka padaryŭ joj ručku.
Čamu jana nie havaryła ź im pa-biełarusku?
«Pytałasia ja sapraŭdy pa-rusku, a padarunak [ad univiersiteta] prezientavała pa-biełarusku», — adkazała jana «Našaj Nivie».