Jak pryhatavać sup z frykadelkami z uschodnim akcentam RECEPT
Apošnija niekalki hod nie ścichaje papularnaść azijackaj kuchni. I heta nie dziŭna, bo stravy japonskaha, kitajskaha, vjetnamskaha pachodžańnia majuć sapraŭdy cikavy i niezvyčajny smak.
27.10.2018 / 13:23
Nasyčanaść sousaŭ, pryjemnaja vastrynia, kisła-sałodki prysmak — heta tolki małaja častka adcieńniaŭ smaku hetych straŭ. Mnie zaŭsiody było cikava, ci mahčyma štości aŭtentyčnaje stvaryć na svajoj kuchni, ci znajdu ja na našych rynkach patrebnyja inhredyjenty.
I voś hetym razam my budziem hatavać varyjant usim dobra viadomaj stravy, ale z aryjentalnym akcentam: sup z frykadelkami! Cikavy azijacki prysmak tut zbolšaha nadaje bulon (na moj hust, jon vielmi padobny na bulon da supu fo), ale i frykadelki, tušanyja ŭ miodzie i apielsinavym soku, nie sychodziać na druhi płan. Smačna jeści!
Na bulon:
- 1 cybulina-parej;
- 1 morkvina;
- 1 čverć korania sieldereju;
- 1 cybulina;
- kostka z kurynaj hrudki;
- 6 zoračak badzianu;
- 2 łaŭrovyja listy;
- kavałak kary karycy;
- 1 pierac čyli;
- 1 č. ł. dziortaha śviežaha imbiru;
- 4 st. ł. sojevaha sousu.
Aharodninu čyścim i narazajem kavałkami. Tym časam kostku zalivajem vadoj, kipiacim, pieršuju vadu źlivajem. U rondal z kostkaj dadajom aharodninu i ŭsie śpiecyi, akramia imbiru, zalivajem 3 litr vady. Kipiacim i varym, pakul bulon nie ŭvarycca ŭ dva razy (u mianie zaniało prykładna 1,5 hadziny). Bulon prapuskajem praź sita, dadajom imbir i sojevy sous.
Na frykadelki:
- 500 h kurynaha file (lepš uziać file na kostcy, kab skarystać jaje dla bulonu);
- 3 st. ł. aleju;
- 1 maleńkaja cybulina;
- pučok zialonaj cybuli;
- 1 jajka;
- 1 st. ł. muki;
- 1 č. ł. papryki;
- 0,5 č. ł. piercu čyli;
- sol, čorny pierac;
- 1 č. ł. miodu;
- 3 st.ł. sojevaha sousu;
- sok, vycisnuty z pałovy apielsina.
Cybulu drobna narazajem i rumianim na patelni z 1 stałovaj łyžkaj aleju. Z kurynaha fileju robim farš, dadajom smažanuju cybulu, narezanuju zialonuju cybulu, jajka, muku i śpiecyi. Farmujem nievialičkija šaryki i pakidajem na 20 chvilin u chaładzilniku.
Razahravajem alej na patelni i smažym frykadelki da rumianaści. Źmiešvajem sojevy sous, miod i apielsinavy sok, dadajom sous da frykadelek. Nakryvajem patelniu nakryŭkaj i dajom 15 chvilin patušycca.
Na dadatak
- 50 hr. funčozy ci tonkaj rysavaj łokšyny;
- śviežaja kinza.
Pierad padačaj dadajom u bulon funčozu, trymajem na ahni chvilin 5. U talerku kładziom niekalki frykadelek i zalivajem ich bulonam. Možna pasypać śviežaj kinzoj.