У будынку дыпмісіі Ватыкана ў Рыме знайшлі чалавечыя косці
31.10.2018 / 12:41
Магчыма, размова ідзе пра Эмануэлу Арландзі
У адным з памяшканняў будынка нунцыятуры (дыпмісіі Ватыкана) у Рыме падчас рамонтных работ знайшлі фрагменты чалавечых костак, гаворыцца ў паведамленні прэс-службы Святога пасаду.
Як паведамляе газета Corriere della Sera, па факце знаходкі папскі нунцый Эміль Пол Црыхрыг звярнуўся да інспектара грамадскай бяспекі Ватыкана (пасярэднік з італьянскай жандармерыяй) Луіджы Карневалі, а той звязаўся з паліцыяй і пракуратурай. З парэшткамі пачалі працу паліцэйскія крыміналісты, каб вызначыць пол і дату смерці.
Паводле адной з версій, гэта могуць быць косткі зніклай у Ватыкане ў 1983 годзе 15-гадовай Эмануэлы Арландзі. Усе гэтыя гады сваякі спрабавалі даведацца пра лёс дзяўчыны. Для ўстанаўлення сваяцтва будзе праведзены аналіз ДНК.
Як паведамляе la Stampa, гэта таксама могуць быць парэшткі 15-гадовай Мірэлы Грэгары, якая знікла за месяц да Арланды.