Bił Hiejts prademanstravaŭ unitaz, jaki pracuje biez vady FOTA
06.11.2018 / 17:06
Bił Hiejts pradstaviŭ prajekt unitaza, jaki pracuje biez padklučeńnia da kanalizacyi i vykarystańnia vady. Prezientacyja adbyłasia na vystavie Reinvented Toilet Expo u Kitai, dzie bolš za 20 kampanij z usiaho śvietu prezientavali inavacyi ŭ halinie pierapracoŭki adchodaŭ.
Fota: The Seattle Times.
Unitaz ad Biła Hiejtsa vykarystoŭvaje niekalki vidaŭ chimikataŭ, kab pierapracavać adchody va ŭhnajeńnie. Kancepcyja, pa słovach miljardera, amal hatovaja, i nieŭzabavie jaje pieradaduć vytvorcam dla testavaha vypusku na rynak. Pryładu raspracavaŭ Fond imia Biła Hiejtsa, za siem hadoŭ atrymaŭšy bolš za 200 miljonaŭ dalaraŭ finansavańnia.
Dla demanstracyi pryłady Hiejts vyjšaŭ na scenu sa słoikam: «Vy možacie zdahadacca, što znachodzicca ŭnutry — tak, vy majecie racyju — heta čałaviečyja fiekalii».