Pra Słucki Zbrojny Čyn u Litvie
dasłana čytačom
05.12.2008 / 12:01
29 listapada ŭ Tavarystvie Biełaruskaj Kultury Litvy adznačyli hadavinu pryśviečanuju Słuckamu Zbrojnamu Čynu — Dniu Hierojaŭ.Staršynia Chviedar Niuńka raspavioŭ pra słaŭnuju datu ŭ Biełaruskaj historyi – zmahańni Słuckich paŭstancaŭ suproć balšavickaj navały ŭ 1920 hodzie, jakija sa zbrojaj u rukach vyjšli abaraniać ideały BNR. Na žal, siły byli niaroŭnyja, kab pieramahčy značna macniejšaha voraha z uschodu.
Sp. Chviedar Niuńka začytaŭ admysłovy zvarot Prezidenta BNR sp. Ivonki Surviłły da Biełaruskaha narodu.
TBK ładzić imprezy kožnuju apošniuju subotu miesiaca. Hetym razam
na zaprašeńnie TBK adhuknulisia biełarusy z Kalininhradu na čale sa staršyniom supołki «Karaleviec» Iharam Šachovičam. Razam ź im pryjechaŭ prafesijny hurt muzykaŭ cymbalistaŭ «Praleska» pad kiraŭnictvam Luby Kastrominoj.U zali TBK upieršyniu hučali cymbały. U hurt uvachodziać jak darosłyja muzyki, tak i školniki. Mnohija ź ich byli nia tolki ŭdzielnikami roznych mižnarodnych konkursaŭ, ale i pieramožcami. Naprykład
hod tamu nazad u Jarasłaŭli (Rasieja) za tvor «Biełaruskija tancy» jany byli ŭznaharodžany pieršaj premijaj. U budučym artysty źbirajucca vystupać u Mieksicy, pahetamu ŭ repiertuary jość adpaviedny tvor «Kubinskija rytmy» . Ź vialikim zadavalnieniem my słuchali artystaŭ. Akramia kubinskich rytmaŭ hučali jašče i mnohija inšyja tvory. Publika ŭ zali nie chacieła rasstavacca z artystami.
Paśla kancertu ŭ ciopłaj atmasfery za stałom my jašče doŭha śpiavali i hamanili. A na raźvitańnie paprasili ich pryjaždžać jašče!
Budziem spadziavacca, što novyja našy sustrečy jašče buduć.