U Małdovie zajavili ab vykryćci členaŭ vajenizavanaj hrupoŭki, źviazanaj z bajevikami «ŁDNR»
15.11.2018 / 13:53
Małdoŭskija siłaviki praviali śpiecapieracyju pa abiasškodžvańni niezakonnaha paŭvajskovaha farmiravańnia, źviazanaha z bajevikami «ŁNR» i «DNR». Pra heta 14 listapada paviedamiła Słužba infarmacyi i biaśpieki Małdovy
Členy farmiravańnia prykryvali svaju dziejnaść praviadzieńniem vajenna-taktyčnych hulniaŭ.
Małdoŭskija pravaachoŭniki sačyli za hrupoŭkaj bolš za hod, vyjaŭlajučy pramyja suviazi pamiž joj i terarystami, jakija dziejničajuć na ŭschodzie Ukrainy.
U chodzie pieratrusaŭ vyjaŭlenyja roznyja vidy zbroi, vajennaja technika, bojehałoŭki i hranatamioty, uklučajučy vosiem hranat F-1, 260 patronaŭ kalibra 5,45 mm i h.d. Taksama kanfiskavana samarobnaja vybuchovaja pryłada. Vyjaŭlenyja ściahi i znaki adroźnieńnia, jakija vykarystoŭvajucca bajevikami na Danbasie.
U śpiecsłužbie zajavili, što hrupoŭka mieła žorstkuju ijerarchičnuju strukturu, jaje členy prachodzili ideałahičnuju i vajennuju padrychtoŭku.
Adkryty dźvie kryminalnyja spravy. Pra zatrymańni ŭdzielnikaŭ hrupoŭki nie paviedamlajecca.
U lipieni Słužba infarmacyi i biaśpieki Małdovy zajaviła, što vyznačanyja asoby 56 małdoŭskich hramadzian, jakija ŭstupili ŭ šerahi bajevikoŭ na Danbasie.