U dzień pravoŭ čałavieka pradprymalniki buduć zmahacca za svaje pravy
10 śniežnia IP majuć namier pravieści papieradžalnuju ahulnanacyjanalnuju zabastoŭku.
08.12.2008 / 17:48
Pra heta na pres‑kanfierencyi 8 śniežnia zajaviŭ staršynia Kaardynacyjnaha savieta pradprymalnikaŭ Minska Alaksandr Makajeŭ.
Pavodle jaho słoŭ, pradprymalnicki ruch rychtujecca da čarhovaj chvali pratestaŭ: na 10 śniežnia zapłanavana adnadzionnaja zabastoŭka, a na 15‑ie — «Marš pradprymalnikaŭ» u Minsku. Hetymi akcyjami IP chočuć zajavić uładam ab niemahčymaści pracavać u novych umovach. 1 studzienia 2009 hoda spyniajecca dziejańnie punkta 3 ukaza prezidenta № 285 «Ab niekatorych mierach pa rehulavańni pradprymalnickaj dziejnaści», u adpaviednaści ź jakim IP — płacielščyki adzinaha padatku mohuć nie padavać dakumienty na ŭviezieny imi tavar z Rasii i vypłačvajuć uvazny PDK u fiksavanaj sumie.
Pradprymalniki taksama patrabujuć ad uładaŭ pryniaćcia zakona ab małym i siarednim biźniesie.
Pavodle słoŭ A.Makajeva, pieršapačatkova IP płanavali pravieści 10 śniežnia mitynh. «Adnak uličvajučy, što 15 śniežnia adbudziecca «Marš pradprymalnikaŭ», jaki arhanizuje RHA «Pierśpiektyva», było vyrašana arhanizavać zabastoŭku», — skazaŭ jon. «Kali našy patrabavańni da 1 studzienia nie buduć zadavolenyja, tady ŭ studzieni projduć akcyi ŭžo ŭ inšym farmacie», — padkreśliŭ staršynia kaardynacyjnaha savieta.
«Strach stracić pracu i ŭvahnać našy siemji ŭ haleču siońnia pavinien być macniejšy za strach pierad represijami dziaržavy. Nam treba pieraadoleć apatyju i abyjakavaść, treba zhurtavacca dla abarony svaich zakonnych pravoŭ», — zajaviŭ A.Makajeŭ.