Kaśmičny modul InSight ździejśniŭ pasadku na Mars
27.11.2018 / 06:20
NASA
Pasadačny modul aŭtamatyčnaj stancyi InSight ździejśniŭ pasadku na płaniecie Mars. Kaśmičny zond pryziamliŭsia ŭ rajonie nahorja Elizij. Pasadka adbyłasia ŭ 14:54 pa časie Uschodniaha ŭźbiarežža ZŠA (22:54 pa Minsku). «U nastupnyja hadziny inžyniery buduć praviarać stan kaśmičnaha karabla», — havorycca ŭ paviedamleńni.
Praź siem chvilin paśla pasadki aparat pieradaŭ pieršaje fota z pavierchni Marsa. Na im bačnyja drobnyja čaścicy marsijanskaha pyłu.
Jak adznačaje Reuters, šlach pasadačnaha modula ź Ziamli da Marsa skłaŭ šeść miesiacaŭ. Zond pieraadoleŭ adlehłaść ŭ 548 młn km, startavaŭšy z Kalifornii ŭ mai.
InSight praviadzie na pavierchni Marsa 24 miesiacy (prykładna adzin marsijanski hod). U jaho zadačy ŭvachodziać siejśmičnyja i tempieraturnyja vymiareńni, vyniki jakich dapamohuć daviedacca čałaviectvu, jak sfarmavaŭsia Mars, a taksama inšyja płaniety ŭnutry soniečnaj sistemy, piša RBK