U Kobrynie nieviadomy skraŭ skryniu z achviaravańniami na lačeńnie chvoraj dziaŭčynki

28.11.2018 / 12:06

U Kobrynie pravaachoŭniki vyśviatlać asobu mužčyny, jaki vykraŭ skryniu z achviaravańniami na lačeńnie piacihadovaj dziaŭčynki, paviedamiŭ BIEŁTA aficyjny pradstaŭnik UUS Bresckaha abłvykankama Siarhiej Dučenka.

Incydent adbyŭsia 20 listapada kala 14.00 u handlovym centry «Paleśsie». Małady mužčyna ŭziaŭ skryniu z hrašyma, što stajała la ŭvachodu ŭ handlovuju zału i źbieh. Pavodle niepaćvierdžanych źviestak, tam znachodziłasia kala 70 rubloŭ. Supracoŭniki milicyi sprabujuć vyśvietlić asobu złamyśnika pa zapisach kamier videanazirańnia.