U Hrodnie z vyšyni ŭpaŭ rabočy i pamior

28.11.2018 / 17:12

Pra niaščasny vypadak u chutkuju paviedamiŭ minak: mužčyna raspavioŭ, što ź lulki na vyšyni piataha paviercha doma pa vulicy Kurčatava ŭ Hrodnie vypaŭ rabočy, paviedamlaje «Hrodzienskaja praŭda».

Paśla zvanka na praciahu niekalkich chvilin bryhada miedykaŭ užo była na miescy zdareńnia. Adnak lekary dapamahčy ŭžo ničym nie zmahli: mužčyna pamior na miescy jašče da pryjezdu bryhady ad atrymanych traŭmaŭ.

Viadoma, što mužčynu, jaki zahinuŭ, było 43 hady. Pavodle papiaredniaj viersii, na domie, dzie adbyłasia trahiedyja, uciaplali fasady. Mužčyna jakraz prybiraŭ budaŭničaje śmiećcie z dachu, kali lulka stała padać i paciahnuła za saboj rabočaha.