Žychar Ivacevičaŭ paśla DTZ zasmuciŭsia i pabieh bić inšyja mašyny

28.11.2018 / 20:45

U Ivacevičach kiroŭca paśla DTZ pačaŭ pomścić inšym mašynam, paviedamlaje bresckaje DAI.

Aŭtamabil, jakim kiravała miascovaja žycharka, ruchaŭsia pa vulicy Lenina. Kala škoły pierad «lažačym palicejskim» žančyna prytarmaziła. U hety čas u jaje aŭto ŭrezaŭsia lehkavik, za rulom jakoha znachodziŭsia małady mužčyna.

Jon vyskačyŭ z mašyny, pieraskočyŭ cieraz kapot i kinuŭsia biehčy. Nieŭzabavie ŭ adździeł milicyi pastupiła paviedamleńnie, što niepadalok ad śpirtzavoda nieviadomy mužčyna pavodzić siabie nieadekvatna: kidajecca pad mašyny na darozie, źbiŭ lusterka ŭ aŭtamabili, jaho ŭładalnik zatrymaŭ chulihana i vyklikaŭ milicyju. Małady čałaviek byŭ ćviarozy i nie byŭ pad kajfam.

Pa słovach maci, niekalki dzion tamu jaje syna skaracili na pracy.