Siadzieła na parenčach i kuryła: u Breście žančyna zvaliłasia z bałkona čaćviortaha paviercha

30.11.2018 / 12:37

U Breście z bałkona svajoj kvatery na čaćviortym paviersie vypała 37-hadovaja žančyna. Paciarpiełaja znachodzicca ŭ reanimacyi, paviedamiŭ BiełTA aficyjny pradstaŭnik USK pa Bresckaj vobłaści Dźmitryj Ivaniuk.

Niaščasny vypadak adbyŭsia ŭviečary 29 listapada na bulvary Kasmanaŭtaŭ. Papiarednie ŭstanoŭlena, što niećviarozaja bieraściejka kuryła, siedziačy na parenčach bałkona.

U niejki momant nie ŭtrymała raŭnavahi i ŭpała ŭniz. Jana znachodzicca ŭ reanimacyi ŭ ciažkim stanie.