ZŠA prypynili handlovuju vajnu z Kitajem uzamien za abiacańnie Piekina zakuplać vializnuju kolkaść amierykanskich tavaraŭ
02.12.2018 / 19:11
Prezident ZŠA Donald Tramp i staršynia KNR Si Czińpin padčas sustrečy na palach samita G20 u Arhiencinie damovilisia zrabić zachady dla zaklučeńnia novaha handlovaha pahadnieńnia za 90 dzion. Jak paviedamiła ŭ subotu pres-słužba Biełaha doma, paśla zakančeńnia hetaha termina Tramp maje namier padniać pošliny na kitajskija tavary z 10% da 25%.
«Prezident Tramp pahadziŭsia, što nie budzie pavyšać z 1 studzienia taryfy na pradukcyju na $ 200 młrd z 10% da 25%. Kitaj pahadziŭsia zakuplać na pakul nie vyznačanuju, ale davoli značnuju sumu sielskahaspadarčaj pradukcyi, enierhanośbity, pramysłovuju i inšuju pradukcyju ZŠA, kab skaracić handlovy dysbałans», — paviedamiła pres-słužba administracyi ZŠA.
«Abodva baki pahadzilisia prykłaści namahańni, kab dasiahnuć novaha pahadnieńnia ŭ nastupnyja 90 dzion. Kali da kanca adviedzienaha času baki nie zaklučać pahadnieńnie, to taryfy vyrastuć z 10% da 25% », — padkreśliŭ Bieły dom.
«Hetaja była vydatnaja i plonnaja sustreča ź biaźmiežnymi mahčymaściami dla ZŠA i Kitaja. Dla mianie vialiki honar pracavać sa staršynioj Si Czińpinam», — zajaviŭ prezident ZŠA Donald Tramp.