Aleś Michalevič viartajecca ŭ palityku

17.12.2018 / 11:39

U subotu prajšła spravazdačna-vybarčaja kanfierencyja ruchu «Za svabodu». Jaje ŭdzielniki pieraabrali kiraŭnictva, abrali kandydata na prajmieryz pravacentrysckaj kaalicyi i zaćvierdzili stratehiju raźvićcia na čatyry hady, paviedamlaje pres-słužba ruchu.

Kanfierencyja pieraabrała Juryja Hubareviča kiraŭnikom arhanizacyi, jaki ŭznačaliŭ ruch dva hady tamu, źmianiŭšy na pasadzie Alaksandra Milinkieviča, što kiravaŭ arhanizacyjaj ad 2007 hoda.

Hubareviča taksama padtrymali ŭ jakaści kandydata, jaki budzie naminavany na prajmieryz pravacentrysckaj kaalicyi dla abrańnia adzinaha kandydata na prezidenckija vybary.

Fota z fejsbuka Mikity Siemianienki

Pieršym namieśnikam staršyni ruchu «Za Svabodu» staŭ Aleś Michalevič, jašče dvuma Viktar Jančurevič i Kirył Stasielka.

Aleś Michalevič byŭ kandydatam u prezidenty na vybarach u 2010 hoda, byŭ zatrymany i amal dva miesiacy pravioŭ u SIZA. Paśla vyzvaleńnia ŭ lutym 2011 hoda jon pravioŭ pres-kanfierencyju, dzie raspavioŭ pra ździeki. Vymušany byŭ emihravać, u vieraśni 2015 hoda viarnuŭsia ŭ Biełaruś. Michalevič zastajecca fihurantam spravy «ab masavych biesparadkach».