Zasnavana novaja litaraturnaja premija «Prazrysty EOŁ»
Premija «Prazrysty EOŁ» zasnavanaja redakcyjaj virtualnaha litaraturnaha časopisa «LitRAŽ» pry padtrymcy šerahu biełaruskich piśmieńnikaŭ.
17.12.2018 / 12:56
Mety stvareńnia Premii:
- zaachvocić ajčynnych vydaŭcoŭ da publikacyi elektronnych knih;
- padtrymać tvorčaść biełaruskamoŭnych, pieradusim maładych aŭtaraŭ;
- pryciahnuć uvahu šyrokaj hramadskaści da najlepšych litaraturnych anłajn-publikacyj na biełaruskaj movie.
Sakrataryjat Premii virtualnaha litaraturnaha časopisa «LitRAŽ» z 1.1.2019 pa 15.1.2019 budzie prymać ad čytackaj publiki REKAMIENDACYI što da tvoraŭ, jakija na dumku čytačoŭ zasłuhoŭvajuć być vyniesienymi na razhlad Virtualnaj litaraturnaj Akademii i naminavanymi na premiju «Prazrysty EOŁ»-2018.
Dla padačy rekamiendacyi čytaču (ci aŭtaru) dastatkova dasłać mejł na adras Sakrataryjatu sa SPASYŁKAJ na rekamiendavany tvor.
Patrabavańni da tvoraŭ:
- biełaruskaja mova (pravapis nieistotny);
- apublikavany ŭ internecie ŭ 2018 hodzie;
- abjom bolšy za «nadta mały».
Sačycie za navinami Premii.