Лідэры ЕС ухвалілі Ўсходняе партнёрства
Лідэры 27 краінаў Еўрапейскага саюзу на саміце ў Брусэлі ўхвалілі Еўрапейскую стратэгію бяспекі і палітыку Ўсходняга партнёрства.
12.12.2008 / 17:23
Лідэры 27 краінаў Еўрапейскага саюзу на саміце ў Брусэлі ўхвалілі Еўрапейскую стратэгію бяспекі і палітыку Ўсходняга партнёрства.
Паводле кіраўніка Еўракамісіі Жазэ Мануэла Барозу, палітыка Ўсходняга партнёрства, якая не прадугледжвае перспектывы сяброўства ў ЭС, накіравана на «значнае павышэнне ўзроўню палітычнага ўзаемадзеяння, шырокую інтэграцыю ў эканоміку ЭС, узмацненне энергетычнай бяспекі і павелічэнне фінансавай дапамогі».
У Еўракамісіі падкрэсліваюць, што ўдзел Беларусі ў гэтай ініцыятыве будзе залежаць ад узроўню стасункаў паміж Еўрасаюзам і афіцыйным Менскам.