Staršynia Śledčaha kamiteta naviedaŭ pacyjentaŭ 3-j dziciačaj balnicy FOTY
21.12.2018 / 19:35
Siońnia staršynia Śledčaha kamiteta ŭ ramkach akcyi «Našy dzieci» naviedaŭ 3-ju haradskuju dziciačuju kliničnuju balnicu, piša sk.gov.by.
Kiraŭnik viedamstva pryniaŭ udzieł u śviatočnaj imprezie, naviedaŭ maleńkich pacyjentaŭ, jakija znachodziacca ŭ reanimacyi i pavinšavaŭ dziaciej z Kaladami i Novym hodam. Kožnamu staršynia pažadaŭ chutčejšaha vyzdaraŭleńnia i ŭručyŭ padarunki.
«Kožny čynoŭnik, kiraŭnik, pavinien razumieć, što jon niasie adkaznaść nie tolki za svaju siamju i dziaciej, ale i tysiačy inšych. Kali my nie budziem abyjakavymi, to my zmožam harantavać biaśpieku i ŭmovy, nieabchodnyja dla raźvićcia našych dziaciej. Šmat uvahi nadajecca dzieciam, jakija pieramahajuć u roznych konkursach, fiestyvalach, usłaŭlajuć krainu na mižnarodnaj arenie. Ale nie varta zabyvać i pra tyja tysiačy dziaciej, čyje baćki ŭchilajucca ad vykanańnia svaich pramych abaviazkaŭ - ad utrymańnia svaich dziaciej. Heta taksama našy dzieci. Jak i 112 chłopčykaŭ i dziaŭčynak, jakija paciarpieli ŭ hetym hodzie ŭ zdareńniach na darohach krainy. Jak i tyja dzietki, jakija stali achviarami hvałtoŭnych złačynstvaŭ» — adznačyŭ Ivan Naskievič.
«My pavinny akružać luboŭju i ŭvahaj usich dziaciej. Jak vy mahli siońnia ŭbačyć, dzieci ŭ hetyja dni mianiajucca. Treba bačyć ich vočy, kab zrazumieć, - usio siońnia pravodzicca niezdarma» — zajaviŭ kiraŭnik viedamstva.