Hrecyja i Turcyja abmianialisia pahrozami na fonie taho, što ZŠA robiać staŭku na Hrecyju

Turcyja nie pacierpić «pravakacyj» u Ehiejskim i Mižziemnym morach ci na Kipry. Pra heta zajaviŭ turecki ministr abarony Chułusi Akar, piša Anadolu.

23.12.2018 / 11:18

«Usie pavinny viedać, što pravakacyi ŭ Ehiejskim, Mižziemnym mory i na Kipry nie buduć mieć nijakaha efiektu», — skazaŭ Akar. «Abo cana budzie vialikaj», — dadaŭ jon.

Hrecyja abvinavaciła Ankaru ŭ šerahu vypadkaŭ parušeńniaŭ jaje pavietranaj prastory na hetym tydni.

U sieradu načalnik Hienštaba nacyjanalnaj abarony Hrecyi Evanhiełas Apastałakis papiaredziŭ, što Hrecyja «zraŭniaje ź ziamloj» luby hrečaski astravok u vypadku, kali tureckija vojski vysadziacca tam.

Afiny ličać, što pavyšanaja aktyŭnaść Turcyi tłumačycca kamientarami pradstaŭnika Dziarždepartamienta ZŠA Uesa Mitčeła, jaki nazvaŭ Hrecyju «fantastyčnym sajuźnikam» i zajaviŭ, što Kipr maje prava na raspracoŭku ŭłasnych pryrodnych resursaŭ, suprać čaho vystupaje Ankara.