Cunami ŭ Indaniezii zmyła muzykantaŭ sa sceny prosta padčas vystupu VIDEA

aściarožna, žorstkija kadry

23.12.2018 / 13:51

Siarod achviar u vyniku cunami ŭ Indaniezii apynulisia ŭdzielniki papularnaj u Indaniezii miascovaj hrupy Seventeen. Chvali nakryli muzykaŭ i ich hledačoŭ prosta padčas vystupu ŭ kurortnym horadzie Tandžunh-Lesunh.

Viadomaja indaniezijskaja aktorka Dyłan Sachara da hetaha času tak i nie znojdziena. Žudasnyja kadry stychijnaha biedstva padčas kancerta trapili ŭ interniet.

Inna lillahi wa inna ilaihi raji'un.
semoga kita semua selalu dalam lindungan-Nya. Aamiin.#Banten #Anyer #Selatsunda #prayforanyer pic.twitter.com/pj7tP3gdLt

— kth♥ (@HelianaBie) 23 diekabria 2018 h.

Acaleły vakalist Seventeen Ryfan Fadžarśja paviedamiŭ, što jaho žonka, indaniezijskaja aktorka Dyłan Sachara, i ŭdzielnik moładzievaha kalektyvu Endzi Darmavan ličacca źnikłymi bieź viestak, a dvoje inšych muzykaŭ Seventeen Aval Purbani i Chierman Sikumbanh, a taksama ich mieniedžar hrupy Doni Saputra pamierli.

U vyniku cunami, što abrynułasia na abodva baki Zondskaha praliva ŭ Indanezii, zahinuli jak minimum 168 čałaviek, kala 30 čałaviek ličacca źnikłymi bieź viestak, kolkaść paciarpiełych bolš za 700. Jak pieradaje telekanał Al Jazeera sa spasyłkaj na vidavočcaŭ, vyšynia chvali dasiahała troch mietraŭ.