Kitajskija školniki pačali nasić formu z GPS i pryviazkaj da sistemy raspaznańnia tvaraŭ

28.12.2018 / 20:14

Adzinaccać kitajskich škoł uviali «razumnuju» formu dla navučencaŭ. Jana padklučana da sistemy raspaznańnia tvaraŭ i maje trekier GPS, kab adsočvać znachodžańnie dziaciej, paviedamlaje ABC.

Kali vučań prapuścić zaniatki, pakinie škołu biez dazvołu abo zaśnie ŭ kłasie, sistema paviedamić pra heta nastaŭnikam i baćkam i spracuje hukavaja tryvoha. Baćki mohuć adsočvać pakupki dziciaci ŭ škole, i ŭvodzić abmiežavańni na vydatki z dapamohaj mabilnaj prahramy. Pa słovach aŭtaraŭ, čypy pracujuć, tolki kali vučań znachodzicca ŭ budynku škoły.

Forma vytrymlivaje da 500 sieansaŭ myćcia.