РПЦ: Томас для ўкраінскай царквы — спроба скрасці Раство
05.01.2019 / 15:46
Падпісаны Томас (указ аб незалежнасці), які дае аўтакефалію ўкраінскай праваслаўнай царквы, з'яўляецца простай «паперай». «Кананічнай сілай» ён не валодае, заявіў у сваім афіцыйным тэлеграм-канале старшыня сінадальнага аддзела Маскоўскага патрыярхату па ўзаемаадносінах царквы з грамадствам і СМІ Уладзімір Легойда.
Чытайце: Томас пра аўтакефалію Праваслаўнай царквы Украіны падпісаны
Праваслаўных хрысціян ён заклікаў не забываць, што галоўнай тэмай для іх цяпер з'яўляецца свята Раства.
«Як бы ні спрабавалі некаторыя ўкраінскія палітыкі з дапамогай стамбульскага патрыярха скрасці Раство ў мільёнаў вернікаў на Украіне — яно ўсё роўна наступіць», — запэўніў Легойда.