Niamieckaja pravaja partyja AfD raskałołasia
Były lider niamieckaj ultrapravaj partyi AfD va ŭschodniaj ziamli Saksonija-Anchalt Andre Pohienburh zajaviŭ u čaćvier, što jon pakinie partyju i sfarmiruje novuju palityčnuju siłu pad nazvaj «Abudžeńnie niamieckich patryjotaŭ — Centralnaja Niamieččyna». Pra heta piša Die Welt.
11.01.2019 / 13:31
U novaj partyi Pohienburh budzie pracavać razam ź inšymi rasčaravanymi členami AfD. Pohienburh ŭ sakaviku syšoŭ u adstaŭku z kirujučaj pasady partyi ŭ Saksonii-Anchalt paśla šerahu skandałaŭ.
U pryvatnaści, jon nazvaŭ ludziej tureckaha pachodžańnia ŭ Hiermanii «pahonščykami viarbludaŭ».
Pohienburh zajaviŭ, što partyja ŭ apošni čas zrabiła prykmietny «levy» pavarot, bajučysia patrapić pad nahlad śpiecsłužbaŭ.