Ілан Маск паказаў ракету Starship для субарбітальных палётаў ФОТА

11.01.2019 / 15:37

Амерыканская кампанія SpaceX паставіла ракету «Зоркалёт» (Starship) на касмадроме ў Тэхасе. Пра гэта ў сваім акаўнце ў твітары паведаміў кіраўнік кампаніі Ілан Маск.

Starship test flight rocket just finished assembly at the @SpaceX Texas launch site. This is an actual picture, not a rendering. pic.twitter.com/k1HkueoXaz

— Elon Musk (@elonmusk) 11 января 2019 г.

«Яна прызначана для субарбітальных тэстаў на вертыкальныя ўзлёт і пасадку. Арбітальная версія вышэйшая, мае больш тоўстыя сценкі і плаўна выгнутую насавую частку», — дадаў ён.

Раней транспартны касмічны карабель «Зоркалёт» (Starship) называўся BFR (Big Falcon Rocket). Ён з'яўляецца праектам ракеты-носьбіта і карабля новага пакалення. SpaceX плануе выкарыстаць апарат паўторна.