У Ізраілі сарваўся ў бездань аўтобус з расійскімі турыстамі
16.12.2008 / 17:35
24 чалавекі загінулі. З невядомых прычын аўтобус перакуліўся і потым зз'ехаў уніз па схіле 80 метраў.
Фота ynet.co.il
Паводле апошніх дадзеных 24 чалавекі загінулі ў выніку аварыі прыватнага аўтобуса, што вёз расійскіх турыстаў з аэрапорту горада Эйлат. Трагедыя здарылася на трасе Mіцпе‑Рамон — Эйлат у аўторак апоўдні.
З невядомых прычын аўтобус перакуліўся і потым зьехаў уніз па схіле 80 метраў.
28 чалавек атрымалі раненні рознай ступені цяжкасці.
На месцы здарэння выехалі каля 20 машын хуткай дапамогі і прыбылі тры верталёты.
Шасцёра чалавек заблакаваныя ў аўтобусе, і патрабуецца таксама ўмяшанне выратавальнікаў.
Параненыя ж адпраўленыя ў бальніцу «Сарока», што ў Беер-Шэве, і шпіталь «Ёсефталь» у Эйлаце, паведамляе Jerusalem Post.
Пазней з'явілася інфармацыя, што гэта былі турагенты з Санкт-Пецярбурга, якія прыехалі на навучанне. На месца трагедыі выехаў супрацоўнік расійскга консульства.