Apazicyja prapanavała šerah krokaŭ, skiravanych na ŭmacavańnie niezaležnaści
28.01.2019 / 11:45
Juraś Hubarevič, Ihar Barysaŭ, Vital Rymašeŭski i Mikałaj Kazłoŭ
Lidar ruchu «Za svabodu» Juraś Hubarevič, v.a. staršyni AHP Mikałaj Kazłoŭ, sustaršynia arhkamiteta partyi BCHD Vital Rymašeŭski i kiraŭnik Biełaruskaj sacyjał-demakratyčnaj partyi «Hramada» Ihar Barysaŭ zajavili pra pačatak palityčnaj kampanii «Za niezaležnaść», piša Radyjo Svaboda.
Vital Rymašeŭski zajaviŭ na pres-kanferencyi, što raniej demakratyčnyja siły Biełarusi stavili vysokija mety i nie rabili kankretnych krokaŭ, a ciapier jany prapanujuć kankretnyja zachady.
«Nieabchodna abaranić ściah i hierb, nadać im dziaržaŭny status, kab hetyja simvały mahli vykarystoŭvacca na masavych mierapryjemstvach. Užo padrychtavany zakonaprajekt, jaki ciapier prachodzić apošnija ŭzhadnieńni, miarkujem, što jon budzie vyniesieny na siesiju ŭ parłamient.
My vystupajem za reformu sistemy adukacyi — kab biełaruskaja mova sapraŭdy była dziaržaŭnaj. Kab ad dziciačych sadkoŭ — da aśpirantury ludzi mieli mahčymaść navučacca na biełaruskaj movie.
My vystupajem za denansacyju Sajuznaj damovy i prapanujem dziaržavie jaje skasavać.
Heta pakiet kankretnych rečaŭ, jakija dziaržavie lohka pravieści» — ličyć Vital Rymašeŭski.