U Iviancy piensijanier pradaŭ strelbu i kupiŭ sabie trunu — ciapier jaho buduć sudzić
06.02.2019 / 19:40
Prakuratura Vałožynskaha rajona 5 lutaha nakiravała ŭ sud kryminalnuju spravu pa abvinavačvańni 81-hadovaha žychara haradskoha pasiołka Ivianiec u niezakonnym zbycie palaŭničaj strelby.
Fota: Pixabay.
Piensijanier pradaŭ svaju zarehistravanuju hładkastvolnuju strelbu IŽ-58 16 kalibru, kab padrychtavacca da śmierci. Na atrymanyja hrošy dziadula kupiŭ čaraviki i trunu.
Prakuror Vałožynskaha rajona Juryj Kanapacki raspavioŭ karespandentu Młyn.by:
— Abvinavačany — palaŭničy. Žyvie ŭ Iviancy z žonkaj. Strelba ŭ jaho zarehistravana, zachoŭvaŭ jon jaje zakonna, a voś pradavaŭ, parušajučy zakon. Sam piensijanier rastłumačyŭ na papiarednim rasśledavańni, što 25 listapada 2018 hoda na rynku rasijanin sa Smalenskaj vobłaści sam pacikaviŭsia, dzie možna kupić palaŭničuju strelbu. Voś dziadula jamu svaju i prapanavaŭ. Potym kazaŭ: «A navošta jana mnie? Tolki lažyć i ržavieje».
Pa słovach Juryja Kanapackaha, rasiejec zapłaciŭ za hetu strelbu 200 rubloŭ. U jaho ž piensijanier kupiŭ sabie čaraviki za 30 rubloŭ, a ŭ kramie — trunu i dva kryžy.
Piensijanieru staviać u vinu č. 2 art. 295-1 KK Biełarusi (Niezakonny zbyt palaŭničaj ahniastrelnaj hładkastvolnaj zbroi).
Złačynstva karajecca štrafam abo papraŭčymi rabotami na termin da dvuch hadoŭ, abo aryštam, abo pazbaŭleńniem voli na termin da dvuch hadoŭ.