Pilny mahiloviec
20 śniežnia ŭ Mahilovie kala piataj ranicy čałaviek patelefanavaŭ u milicyju i paviedamiŭ, što tolki što bačyŭ, jak mužčyna ciahnie pa prajeznaj časci abviazany viaroŭkami miech. Pryčym u miachu ŭhadvajucca abrysy čałaviečaha cieła.
23.12.2008 / 14:50
20 śniežnia ŭ Mahilovie kala 5 hadzin ranicy čałaviek patelefanavaŭ u milicyju i paviedamiŭ, što tolki što bačyŭ, jak mužčyna ciahnie pa prajeznaj časci abviazany viaroŭkami miech. Pryčym u miachu, jak padałosia śviedku, uhadvalisia abrysy čałaviečaha cieła.
Na miesca zdareńnia adrazu vyjechaŭ narad achovy. I sapraŭdy:
52‑hadovy mužčyna ciahnuŭ trup. Cieła 50‑hadovaha invalida nie mieła adbitkaŭ hvałtoŭnaj śmierci.Ekśpiertyza paźniej vyjaviła, što čałaviek pamior u vyniku pnieŭmanii.
Mužčyna, jakoha zatrymali ź miecham, patłumačyŭ, što išoŭ na mohiłki, dzie chacieŭ biez lišnich vydatkaŭ pachavać cieła pamierłaha, jaki apošnim časam žyŭ u jaho domie. U dokaz hetaha śćviardžeńnia pakazaŭ rydloŭku. Sam čałaviek nidzie nie pracuje, tamu takuju «ekanomiju» paličyŭ daravalnaj. Milicyja pravodzić pravierku hetaha zdareńnia.