«Газпром» не называе цану для Беларусі, каб не дражніць Украіны?
23.12.2008 / 16:58
Афіцыйны прадстаўнік «Газпрома» Сяргей Купрыянаў адмовіўся каментаваць інфармацыю пра кошт газу для Беларусі на наступны год. На званок у Маскву прагучаў такі адказ:
«Мы не каментуем гэту інфармацыю».
Некаторыя расійскія эксперты лічаць, што Расія і Беларусь не называюць цану на газ, да той пары пакуль не будзе падпісанае пагадненне паміж Расіяй і Украінай. На іх думку, цана для Беларусі будзе ў памерах 140‑160 даляраў ЗША да 1 тыс.кубаметраў.
Учора паведамлялася, што цана газу для Беларусі у наступным годзе «будзе прымальнай».
У першым квартале 2008 г. для Менска цана газу складала 119,53 даляра за тысячу кубаметраў, а далей — 127,9 даляра.
У бюджэце Беларусі на 2009 год закладзеная цана 140 даляраў за адну тысячу кубаметраў газу.