Homielski amapaviec u svoj vychadny praduchiliŭ zhvałtavańnie prosta pad bałkonam
21.02.2019 / 19:45
20 lutaha ŭ Navabielicy (Homiel) praparščyk Andrej Vajavoda praduchiliŭ zhvałtavańnie i złaviŭ 20-hadovaha hvałtaŭnika.
Amapaviec pačuŭ žanočyja kryki, znachodziačysia doma. Jon chutka vyskačyŭ na vulicu i ŭbačyŭ, jak pad bałkonam pieršaha paviercha susiedniaha doma mužčyna prycisnuŭ da ziamli žančynu.
Pabačyŭšy milicyjanta, hvałtaŭnik paśpieŭ uschapicca, naciahnuć štany i kinucca naŭcioki. Uciakač nie reahavaŭ na kryki «Stoj, milicyja!» i schavaŭsia ŭ padjeździe šmatpaviarchovika. Hvałtaŭnik paśpieŭ dabiehčy da ŭłasnych dźviarej, ale adkryć ich nie paśpieŭ — Andrej Vajavoda zatrymaŭ chłopca. Praparščyk utrymlivaŭ jaho da prybyćcia milicejskaha naradu.
Zatrymanym akazaŭsia hamialčuk 1998 hoda naradžeńnia. Raspačali kryminalnuju spravu.