Kazka адмовілася ехаць на Еўрабачанне: Нам не патрэбна перамога любой цаной
27.02.2019 / 12:15
Гурт Kazka следам за Freedom Jazz адмовіўся ехаць на «Еўрабачанне-2019» замест Maruv. Адпаведная прапановы калектыву паступіла ад Нацыянальнай грамадскай тэлекампаніі Украіны (НГТУ), якая валодае правамі на трансляцыю конкурсу.
«Мы хочам і палiчылi б за гонар прадстаўляць Украіну на Еўрабачанні. Мы ўклалі ў гэта жаданне шмат сіл, энергіі, часу. Мы за гэтым ішлі на нацадбор. Але нам не патрэбна перамога любой цаной, — сказана ў заяве групы ў інстаграме. — Наша місія — аб'ядноўваць людзей сваёй музыкай, а не сеяць разлад. Таму на прапанову НГТУ у нас ёсць дакладны адказ: мы не паедзем у 2019 годзе на Еўрабачанне».
Kazka заявіла, што яны гатовыя прадставіць Украіну на «Еўрабачанні» ў 2020 годзе, калі іх выберуць.