Naskievič pacvierdziŭ adstaŭku dvuch vysokapastaŭlenych śledčych
01.03.2019 / 09:52
Staršynia Śledčaha kamiteta Ivan Naskievič pacvierdziŭ žurnalistam adstaŭku dvuch vysokapastaŭlenych śledčych, pra jakija raniej paviedamlaŭ Tut.by.
«Pakul pravodzicca pravierka, ci zaviedziena kryminalnaja sprava, u intaresach śledstva detali raskryvać nielha. Ale jany sapraŭdy adpraŭlenyja ŭ adstaŭku ŭ suviazi z atrymańniem infarmacyi, dastatkovaj dla pryniaćcia takoha rašeńnia», — paviedamiŭ kiraŭnik SK.
Jon taksama paabiacaŭ prainfarmavać hramadskaść ab vynikach rasśledavańnia.
Nahadajem, dva tydni tamu svaju pasadu pakinuŭ načalnik addzieła pa rasśledavańni złačynstvaŭ u sfiery ekanomiki Upraŭleńnia SK pa horadzie Minsku pałkoŭnik Illa Vałozin i jaho kaleha, supracoŭnik Centralnaha aparata Śledčaha kamiteta Andrej Kačur.
Pa niepravieranaj infarmacyi, Andrej Kačur prachodzić u jakaści padazravanaha pa kryminalnaj spravie. Ab pryčynach adstaŭki Illi Vałozina aficyjna nie paviedamlajecca. Jaho addzieł zajmaŭsia mnohimi hučnymi ekanamičnymi spravami — ad spravy Vitala Arbuzava i hrupy kampanij Fenox da druhoj spravy Alaksandra Muraŭjova i spravy lidaraŭ prafsajuza REP Fiadyniča i Komlika.