Pamior amierykanski palitołah Semiueł Chantynhtan
Jon aŭtar znakamitaj knihi «Sutyknieńnie cyvilizacyj i pieratvareńnie suśvietnaha ładu» (1996), dzie Chantynhtan pradkazaŭ budučy kanflikt pamiž Zachadam i isłamskim śvietam.
29.12.2008 / 14:07
24 śniežnia 2008 h. na 82‑m hodzie žyćcia pamior viadomy amierykanski palitołah, prafiesar Harvardskaha univiersiteta Semiueł Chantynhtan.
Jon aŭtar znakamitaj knihi «Sutyknieńnie cyvilizacyj i pieratvareńnie suśvietnaha ładu» (1996).
U knizie Chantynhtan pradkazaŭ budučy kanflikt pamiž Zachadam i isłamskim śvietam. Adzin z klučavych momantaŭ zaklučaŭsia ŭ tym, što ŭ budučyni suśvietnyja kanflikty buduć nasić nie aideałahičnuju, a relihijnuju pryrodu, paviedamlaje Reuters.
Chantynhtan prapanavaŭ umoŭnuju kłasifikacyju suśvietnych cyvilizacyj, vyłučyŭšy dzieviać:zachodniuju, isłamskuju, induisckuju, sinskuju (Kitaj), japonskuju, łacinaamierykanskuju, budyjskuju, pravasłaŭnuju i afrykanskuju.
***
Teoryja Chantynhtana vyklikała sprečki pra supraćstajańnie Zachadu i isłamskaha śvietu, nie apošniuju rolu ŭ hetym adyhrali terakty 11 vieraśnia 2001 h. u Ńju‑Jorku.
Na dumku hanarovaha prafiesara Harvardskaha univiersiteta Hienry Rasoŭski,
Semiueł Chantynhtan byŭ «adnym z najbolš upłyvovych u śviecie ciaham apošnich 50 hadoŭ».