Nieŭjaznomu IT-biznesoŭcu z Chielsinki ŭdałosia prylacieć na kanfierencyju ŭ Minsk tolki paśla ŭmiašańnia Usievałada Jančeŭskaha
02.03.2019 / 22:34
IT-bizneśmien Eryk Hundarsien, CEO prahramy Mapbox, u subotu 2 sakavika pavinien byŭ vystupić na kanfierencyi Bulbacon u Minsku. Hundarsien źbiraŭsia prylacieć u stalicu Biełarusi z Chielsinki ź pierasadkaj u Maskvie, piša Jeŭraradyjo.
Adnak, pa słovach adnaho z arhanizataraŭ Bulbacon, kafaŭndara Bulba Ventures Juryja Mielničaka, «pa źbiehu abstavinaŭ i pamyłak» Eryk trapiŭ u śpis nieŭjaznych u Biełaruś. Biznesoŭca nie ŭpuścili ŭ Rasiju i departavali ŭ Chielsinki, adkul jon prylacieŭ. A ŭsio ž taki patrapić u Minsk i paśpieć na kanfierencyju jamu dapamahło tolki asabistaje ŭmiašańnie dyrektara biełaruskaha «Parka vysokich technałohij» Usievałada Jančeŭskaha.
Premjer-ministra Biełarusi Siarhieja Rumasa 1 sakavika sustrakaŭ u svajoj ustanovie dyrektar Parka vysokich technałohij Usievaład Jančeŭski.
«U 2 hadziny nočy ja ŭ adčai napisaŭ Usievaładu Jančeŭskamu, dyrektaru PVT, i paprasiŭ dapamahčy. I ździviŭsia, što ŭ 2:05(!) jon adkazaŭ i paabiacaŭ zaniacca hetym pytańniem. A ranicaj jon źviazaŭsia z MUS i mihracyjnymi ŭładami i vypraviŭ situacyju! — raspaviadaje Juryj Mielničak. — Eryk prylacieŭ pramym rejsam u Minsk u toj ža dzień, i ciapier vystupaje na kanfierencyi. A ja staju i dumaju, što nie viedaju, dzie jašče, akramia Biełarusi i PVT, hetaje pytańnie mahło b vyrašycca za paru hadzin ranicaj. Dziakuj PVT i asabista Usievaładu Jančeŭskamu za takuju ŭciahnutaść, dziakujučy jakoj Eryk ciapier dzielicca svaim dośviedam pabudovy adnaroha z pradprymalnikami ŭ Minsku».
Mapbox zajmajecca raspracoŭkaj u halinie elektronnaj kartahrafii. U 2017 hodzie startap pryciahnuŭ $164 młn inviestycyj i vyrašyŭ adkryć ofis u Minsku, na bazie kampanii MapData. U ciapierašni čas tam zaniatyja kala 30 čałaviek — jany pracujuć nad technałohijaj aŭtapiłota.