Дэталь вагой у адну тону ўпала на нагу рабочаму ў Слуцку
19.03.2019 / 15:47
Няшчасны выпадак адбыўся ў цэху «Сельскага будаўнічага камбіната» днём 18 сакавіка.
На вытворчасці рамантавалася няспраўнае абсталяванне. Вечка прэса фармоўкі блокаў полістыролу вагой каля тоны ўпала і прыціснула нагу слесара.
З траўмамі 59-гадовы мужчына быў дастаўлены ў бальніцу.
«Следчым з удзелам эксперта агледжана месца здарэння. Апытаныя работнікі і службовыя асобы», - распавяла БелТА афіцыйны прадстаўнік СК Таццяна Беланог.