У Брэсце будуць судзіць «танкіста»: мужчына набыў сабе віртуальны танк за чужыя грошы
20.03.2019 / 15:24
На мужчыну завялі крымінальную справу, яму пагражае да 5 гадоў пазбаўлення волі.
29-гадовы жыхар Брэста знайшоў чужую банкаўскую картку, паведамляе падрабязнасці пракуратура. Мужчына вырашыў выкарыстаць грошы і набыў за іх віртуальны танк у камп’ютарнай гульні World of Tanks. А гэта кваліфікуецца як крадзеж.
Берасцейца знайшлі, завялі справу. Пакуль што ён на волі, пад падпіскай. Лёс «танкіста» вырашыць суд.