Stała viadoma, jakoje nadvorje čakaje biełarusaŭ na vychodnych i 25 Sakavika
21.03.2019 / 12:22
Niaŭstojlivaje nadvorje z paryvistym vietram čakajecca ŭ vychodnyja, paviedamili BiełTA ŭ Hidramiecie.
U piatnicu ŭnačy atmasfierny front budzie vyznačać na bolšaj častcy terytoryi karotkačasovyja apadki, u asnoŭnym doždž. Dniom apadkaŭ nie prahnazujecca. Ranicaj i dniom u mnohich rajonach čakajecca ŭzmacnieńnie vietru paryvami da 15-20 m/s.
Nočču + 1—7, dniom — +6—11, pa paŭdniovym zachadzie — da +13.
U subotu, 23 sakavika, tolki dniom pa krajnim paŭnočnym zachadzie krainy nievialikija karotkačasovyja daždžy. Unačy budzie ad minus 3 da +2, dniom — +6—13, pa paŭdniovym zachadzie — +14-16.
Pavodle pogoda.by u Hrodnie ŭ subotu biez apadkaŭ, soniečna i +10
U niadzielu, 24 sakavika, čarhovaja sistema atmasfiernych frantoŭ z poŭnačy zachadu Jeŭropy pryniasie novuju porcyju vilhotnaha pavietra. Nočču i ranicaj na bolšaj častcy terytoryi, dniom u krajnich paŭdniova-ŭschodnich rajonach krainy projduć karotkačasovyja daždžy. Nočču — + 1-7, dniom budzie ad +6 da 12.
U Minsku čakajecca nievialiki doždž i +7—9.
U paniadziełak, 25 sakavika, nočču prahnazujecca bieź istotnych apadkaŭ, dniom pieravažna pa paŭnočna-zachodniaj častcy krainy karotkačasovyja apadki, u asnoŭnym mokry śnieh. Nočču ŭ asobnych rajonach słaby tuman, na darohach hałalodzica. Unačy čakajecca ad minus 3 da plus 3, dniom — + 3-10.