Ля Нарвегіі ў круізнага лайнера ў непагадзь спыніўся рухавік. Ратавальнікі эвакуююць 1300 чалавек

23.03.2019 / 19:44

Ля Нарвегіі ратавальнікі пачалі эвакуацыю з круізнага лайнера «Вайкінг Скай» (Viking Sky), у якога спыніўся рухавік ва ўмовах дрэннага надвор'я. На борце судна знаходзіліся 1300 чалавек, паведамляе BBC.

У выратавальнай аперацыі задзейнічаны верталёты.

«Вайкінг Скай» знаходзіцца за 4—5 кіламетраў ад узбярэжжа правінцыі Мёрэ-ог-Ромсдал, якое лічыцца адным з самых небяспечных участкаў нарвежскага берага.

У момант падачы сігналу бедства лайнер дрэйфаваў у бок берага, аднак затым камандзе ўдалося запусціць адзін рухавік і адвесці судна ад берага.