Спецназ арміі Мальты адбіў у мігрантаў захопленае ў Міжземным моры судна

28.03.2019 / 12:53

Ілюстрацыйнае фота з Вікіпедыі

Армія Мальты ўзяла пад кантроль судна, захопленае мігрантамі ў Міжземным моры, піша Бі-бі-сі.

Як распавялі вайскоўцы, яны звязаліся з капітанам, які распавёў ім, што не кантралюе судна. Паводле яго слоў, мігранты пагражалі яму і камандзе і прымусілі ўзяць курс на Мальту.

Як толькі танкер наблізіўся да тэрытарыяльных водаў Мальты, яго спыніла патрульнае судна, пасля чаго на борт высадзіўся атрад спецназа і вызваліў экіпаж.