U Horackim rajonie zahinuŭ mužčyna, vypalvajučy suchuju travu
29.03.2019 / 10:21
Zdareńnie adbyłosia viečaram 28 sakavika ŭ vioscy Paršyna, paviedamlaje 112.by
Mužčyna vypalvaŭ travu kala svajho prysiadzibnaha ŭčastka. Zahinułaha mužčynu znajšła jaho žonka, pra što adrazu paviedamiła miedykam. Ratavalniki likvidavali i łakalizavali hareńnie padručnymi srodkami. Pryčyna zdareńnia vyśviatlajecca. Razhladanaja viersija — nieaściarožnaje abychodžańnie z ahniom pry spalvańni suchoj travy.
Tolki za minułyja sutki pa ŭsioj krainie pastupiła 36 paviedamleńniaŭ ab zaharańni travy i kustoŭ, a taksama ab 1 tarfianym pažary na płoščy 0,02 hiektara, dadaje MNS.